S Neujohr: Stephan Pflaum über gute Vorsätze 4Literatur & Kolumnen | 01.01.2022 | Stefan Pflaum

Machen gute Vorsätze Sinn oder bleibt doch alles so wie im letzten Jahr? Darüber denkt der Mundart-Autor Stephan Pflaum zum Jahreswechsel in schönstem Alemannisch nach.

Was nimmsch dir nit alles vor für s nächschte Johr. Sitter Johre. Un kuum isches do, des neue Johr, isch jeder Vorsatz verlore. Also nächschtes Johr. Aber im nächschte Johr isches widder wie im letschte.

Debii könnt mr doch, wemmer wott. Aber wotte ällei isch halt no nit könne. Un wemmer mol könnt, will mr plötzlig nit. Au des kummt vor, ob mr will oder nit. Un schun simmer in dere Spirale, wo s philosophisch wird. Do soll sich doch ä Reim druff mache, wer will! Aber jetz nix wie ab zum Thema.

S Neujohr  kunnt jed s Johr eimol vor, so isches allwil gsii! Ob des jetz richtig oder wohr, un au warum, des frogt mr nie, kriegt wegge demm kei Grille. Mr meint, so isches un so blibt s, s isch ebe Hergotts Wille. Mir Mensche, mir hen d Zit erfunde, de Chronometer, s Jetz un s Nie. Mir Mensche zähle s Geld in Stunde, mir Mensche teile ii: in gueti un in schlechti Johr, in gwunnini, verlorini Zit, un isch es Johr no rum, no stuunt mr: Isches schu widder so wit!?

Foto: © Till Neumann