Mundart: Ver-ruckti Welt?– Alemannisches von Stefan Pflaum STADTGEPLAUDER | 22.07.2026 | Stefan Pflaum
Der Mundart-Autor aus Schallstadt hat beim Jahresstammtisch gelauscht
Ime Gaschthuus ganz hinte im Daal sin si zämmeghuckt zum Johresstammtisch. Un alli 25 Iigladene sin iitroffe. Nach einem Johr git’s halt au viel z dischputiere, un nit ämol d Fußballweltmeischterschaft kann verhindere, dass rumpolitisiert wurd.
Un au wenn an dem Obend d meischte zu de meischte Themepunkte unterschiedliger Meinung gsii sin, isch der Obend friedlig verloffe. S erschte Thema: d Situation in England nach em Rücktritt vum Verteidigungsminischter. Wittersch gange isches mit de Unruhe un de Gwalt in Belfast. Denno mit em Börsegang vun SpaceX. Nächschti Punkte: Sozialabgabe, Sozialversicherunge, Laschteverteilung, d Umfrogewerte vun de Bundesregierung. Kriege USA-Iran, Israel-Libanon, Russland-Ukraine. Friedensplän? Ä einzigs Vor un Zruck. Rentediskussion, Gsundheitssyschtem, Pflege. Brandstiftunge un Stromussfäll. Verteidigungsussbau, Drohneabwehr. Mir welle ä Bundestierwohlschutzgsetz, aber hemmer au nä Bundesmenschwohlschutzgsetz? No lache d Stammtischler noch über die viele Reformplän. Nix als Plän, Plän, Plän…
Z letscht git de Wirt noch ä Rundi uss un macht bekannt, dass r schließe müsst. Die Lage im Gaschtwirtgschäft sei dramatisch. „Nix isch meh do un so, wo’s un wie’s sii sott“, meint r, un bedankt sich.
